Kreu i Partisë Demokratike, Lulzim Basha është nisur urgjent drejt Kavajës, pas sulmit në zyrën elektorale të PD në këtë qytet.
Nga të shtënat me armë, mbeti i plagosur në këmbë një 27-vjeçar, i identifikuar si Bledar Okshtuni.
Forca të shumta policie kanë shkuar në vendngjarje. Ndërkohë vijon krehja e zonës, si edhe janë ngritur pika kontrolli në hyrje -dalje të Qytetit për kapjen e autorit.
Në zyrën ku ka ndodhur ngjarja është edhe Grida Duma, kandidate në këtë zonë.