Të gjitha rrugët, të hapura

Të gjitha rrugët nacionale janë të hapura dhe nuk ka probleme kalimi. Edhe pse në ditët e para të vitit, ngricat bllokuan shpesh disa nga akset kombëtare, problemi i sotëm është rrëshqitja e dherave dhe gurëve. Një prej rrugëve më problematike është ajo që lidh Elbasanin me Tiranën, në afërsi të fshatit Mullet. Drejtori i Autoritetit Rrugor, Dashamir Xhika, thotë në një interviste për Vizion Plus se nëse uji tejkalon nivelin e urës, atëherë do të devijohet kalimi i automjeteve në rrugën e vjetër. Xhika sqaron se nuk do të ketë asnjë tolerim për firmat, të cilat bëjnë mirëmbajtjen e rrugëve dhe nuk zbatojnë pikë për pikë kontratën. Fondet për të mirëmbajtur rrugët, Shqipëria i ka më të ulëtat në rajon. këtë vit ky zë në buxhet pati një rritje të lehtë, por gjithsesi vlera që ka dhënë qeveria nuk kalon shifrën e 13 milion dollarëve.