Në prefekturën e Elbasanit është zhvilluar takimi i radhës me aktorët e Task Forcës antikanabis për raportin e muajit Qershor 2019.
Gjatë këtij muaji janë shënuar tri raste identifikimi të kultivimit të kanabisit në qarkun e Elbasanit, të cilët i përkasin bashkisë Librazhd.
I pranishëm në mbledhje, drejtori i policisë Elbasan, u shpreh se Drejtoria Vendore e Policise Elbasan ka marrë të gjitha masat për parandalimin e situatës, pavarësisht se kjo periudhë ka kërkuar edhe angazhimin maksimal të efektivëve të policisë për mbarëvajtjen e protestave dhe procesit zgjedhor.
Prokurorja Ermira Tafani, u shpreh se problem në këto operacione mbetet identifikimi i personave, të cilët bëjnë kultivimin e bimëve, pasi në shumë raste ata janë nga qytete apo rrethe te tjera.
Elbasani është një ndër qarqet me rezultatet më të mira në luftën kundër kanabisit.
