Në kryeqytetin Kabul te Afganistanit po veprojnë aktualisht vetëm tri ambasada të huaja, e Rusisë, Kinës dhe Pakistanit.Ndërsa të gjitha vendet tjera kanë evakuuar personelin.
Talebanët kanë njoftuar një amnisti të përgjithshme për të gjithë zyrtarët qeveritarë, duke u kërkuar atyre të kthehen në punë me “besim të plotë”.
Mullah Baradar, është një lider i lartë i grupit militant i cili pritet të ketë një rol të lartë në qeverisjen e Afganistanit. Baradar është fytyra më publike e talibanëve dhe ka qenë gjithashtu përfaqësuesi që nënshkroi marrëveshjen historike të shkurtit të vitit 2020 me Shtetet e Bashkuara, marrëveshje që kishte për qëllim dhënien fund të luftës 20-vjeçare.
Zëdhënësi i talibanëve njoftoi se gjatë ditëve në vijim do të mbahen bisedime, të cilat do të kenë për qëllim formimin e një qeverie të hapur, gjithëpërfshirëse islamike.
