Ish-deputetja e PD, Jorida Tabaku zhvilloi një takim me arsimtarë me rastin ne 7 Marsit.
Ajo u njoh me problemet e arsimit dhe deklaroi se është fatkeqësi dështimi në këtë fushë.
Gjatë bashkëbisedimit që pati, Tabaku u shpreh se 25% e të rinjve nuk janë as në punë dhe as në shkollë.
“Pse sot arsimi është duke dështuar? Është pikërisht financimi. Ti si familje ia ke hequr gjithçka vetes dhe je fokusuar tek arsimi. Ndërkohë që këtë nuk e ka bërë shteti, nuk ka ruajtur diçka që ta shpenzonte për arsimin. Ne shohim nga arsimi dhe diskutojmë pjesën e financimit. Po mendoja sa gjëra mund të bëhen me dëshirën dhe me vullnetin politik. Që vullneti politik të ekzistojë duhet të ketë një filzofi që e mbështet arsimin, duhet të promovosh ato që janë më të arsimuar duhet të mbështesësh ato që janë më të arsimuar, duhet të japësh shembull me ato që janë më të arsimuar. Se kur shikon ministra e deputetë që janë pa shkollë e të pa investuar në arsim, çfarë shembulli marrin nxënësit? Arsimi në fakt, apo pak më mirë pandemia, tregoi se si ka dështuar arsimi. Pasi po jepni disa shembuj se si ka dështuar infrastruktura tani, po ka dështuar shëndetësia ka dështuar çdo sektor. Por të dështojë arsimi, është fatkeqësi. Kjo është fatkeqësia. Që 25% e të rinjve në Shqipëri as nuk janë në punë e as nuk janë në shkollë. Por që të kesh një normë kaq të lartë do të thotë që mos ta duash fare arsimin. Norma e analfabetizmit është rritur sipas UNDP, pra janë një sërë treguesish që janë rritur që tregojnë për këto politika.”
