Hadi Matar, 27 vjeç, është dënuar me 25 vjet burgim nga një gjykatë në New York për sulmin brutal ndaj shkrimtarit të njohur Salman Rushdie në vitin 2022, gjatë një ligjërate në Institutin Chautauqua. Përveç dënimit për përpjekje për vrasje, Matar mori edhe shtatë vjet burg shtesë për plagosjen e një burri tjetër që ndodhej në skenë në momentin e sulmit.
Rushdie, i cili mbeti i verbër në njërin sy si pasojë e sulmit me thikë, nuk ishte i pranishëm në seancën e shpalljes së vendimit, ndonëse ka qenë një dëshmitar kyç gjatë procesit. Ai kishte deklaruar më herët se besonte se do të vdiste, pasi Matar e goditi mbi 10 herë në kokë dhe trup.
Gjatë seancës, para dhënies së dënimit, Matar e cilësoi Rushdien si “hipokrit”.
/vizionplus.tv
