Ministri në dorëheqje i Punëve të Jashtme në Qeverinë e Kosovës, Behgjet Pacolli, përmes rrjetit social Twitter ka konfirmuar se mbrëmë në Serbi është sulmuar një autobus me udhëtarë kosovarë gjatë rrugës për në shtetet e Bashkimit Evropian.
Pacolli ka kërkuar nga Bashkimi Evropian që Serbia të ndalë sulmet dhe të ofrojë siguri për qytetarët e Kosovës.
“Unë e dënoj fuqishëm sulmin ndaj autobusit të mbushur me udhëtarë që po udhëtonin nga Kosova nëpër Serbi për në Bashkim Evropian. Serbia vazhdimisht po dështon të ofrojë siguri për udhëtarët tanë dhe liri të lëvizjes. Ne bëjmë thirrje për hetime dhe garanci për sigurinë e qytetarëve tanë”, thuhet në postimin e tij.
Pacolli ka shtuar se sulmet e koordinuara ndaj qytetarëve të Kosovës duhet të ndalen dhe ka bërë thirrje ndaj Bashkimit Evropian që të veprojë si lehtësues i marrëveshjes për lëvizje të lirë./REL
I condemn in the strongest terms the attack on the bus full of passengers traveling from #Kosovo through #Serbia to the #EU. Serbia is continously failing to ensure safety to our travelers & freedom of movement. We urge investigations and assurances on the safety of our citizens.
— Behgjet Pacolli (@pacollibehgjet) August 25, 2019
