Të paktën pesë persona janë plagosur pasi një person i armatosur hapi zjarr në një shkollë të mesme në Kaliforni këtë të enjte.
Ngjarja u regjistrua në Shkollën e Mesme Saugus në Santa Clarita në veri të Los Angeles pak minuta para se të fillonte mësimi.
I dyshuari sipas LA Times, dyshohet të jetë një 15 vjeçar ndërsa policia e përshkroi atë si një mashkull aziatik që ishte veshur të zeza.
Menjëherë pas sulmit shumë shkolla në Kaliforni u mbyllën deri në qartësimin e ngjarjes.