Subscribe

Shqipëria është sot në ditë zie kombëtare si shenjë solidariteti e lutje për viktimat e tërmetit shkatërrimtar në kufirin turko-sirian.

 

 

Lajmin e bëri të ditur kryeministri Rama disa ditë më parë.

 

 

“Qeveria Shqiptare ka vendosur që e hëna, 13 shkurt, do të jetë DITË ZIE KOMBËTARE në shenjë dhimbjeje e lutjeje për viktimat e tragjedisë së madhe të tërmetit në kufirin turko-sirian, si edhe në shenjë solidariteti me Turqinë mike, e cila na u gjend pranë kur një fatkeqësi e ngjashme goditi Shqipërinë pak kohë më parë. Ulja e flamurit kombëtar në gjysmë shtize dhe ndezja e një qiriri nga çdonjëri sipas dëshirës e mundësisë, do të jenë shenjat kuptimplota të një të hëne të shenjuar prej dhimbjes njerëzore e solidaritetit popullor që i kapërcejnë kufijtë tanë.”, njoftoi kryeministri Rama.

 

 

Sot, një javë pas lëkundjeve të para të dy tërmeteve fatale, numri i viktimave ka shkuar në 34 mijë në të dy vendet.

 

 

Megjithatë, grupet e kërkim shpëtimit nga e gjithë bota, vijojnë punën pa ndërprerë pasi nën rrënoja ka ende shpresë për jetë.

 

 

Gjatë mbrëmjes dhe ditës së djeshme janë nxjerrë nga rrënojat persona të gjallë të cilët kanë mbijetuar më shumë se 160 orë.

Leave a Reply

Your email address will not be published. Required fields are marked *