Këto pamje tregojnë se armëpushimi ne Siri, për te cilin rane dakord fuqitë botërore ne bisedimet e Mynihut, mbetet i largët. Këtë te hene u sulmuan tre spitale dhe nje shkolle ku strehoheshin refugjate ne provincat e Alepos dhe Idlibit, duke shkaktuar te paktën 50 te vdekur. Mes viktimave ka edhe fëmijëve. Organizata Mjeke pa Kufij foli per goditje me raketa qe kane shkatërruar spitalet dhe kane lënë pa ndihme mjekësore mijëra njerëz. Pas sulmeve sipas saj qendrojne forcat qeveritare ose Rusia. Por ne nje reagim zedhenesja e Ministrisë se Jashtme ruse, Maria Zakharova i cilësoi propagande akuzat e bëra ndaj Moskës, pasi nuk ka te dhëna qe mund te merren si prova. Megjithatë, ajo sqaroi se bombardimet rreth zones se Alepos do te vazhdojnë. Ndërsa per kryeministrit turk Ahmet Davutoglu, sulmet ne veri te Sirisë janë kryer nga nje rakete balistike ruse drejt nje zone qe kontrollohet nga rebelet. Duke folur nga Kievi ai akuzoi Rusinë se synon te kryeje masakra te tjera ne mbështetje te regjimit te presidentit Assad. Por ministri i Jashtëm rus Lavrov u kundërpërgjigj, duke deklaruar se me sulmet kundër kurdëve ne Siri mbështetet terrorizmi dhe shkelen rezolutat e OKB-se.
Siri, armëpushimi vetëm në letër
