Shqiptarët e Maqedonisë protestuan kundër padrejtësive që u janë bërë atyre ndër vite. Tubuesit marshuan nga sheshi “Skendërbej ” në Shkup, drejt Gjykatës Penale.
Protestuesit te organizuar nga këshilli i familjarëve të të burgosurve shqiptarë në Maqedoni, i bënë apel shtetit për drejtësi dhe rigjykim për proceset e montuara politikisht.
Protestuesit mbanin në duar pankarta me mbishkrime si: “Drejtësia është paqe”, “Protestoj për të shëruar plagë dhe për të tharë lot”, “Duam rigjykim të rastit Alfa”, etj.
Në protestë morën pjesë edhe familjarë të Amir Aliut, 4 vjeçarit që u vra me makine 5 vite më pare nga një maqedonas, procesi i të cilit nuk ka përfunduar ende në gjykatë, ndërkohë që fajtorët janë në liri.
Tubimi i shqiptareve përfshin edhe marshimin para gjykatës së Apelit në Maqedoni.
