Gjashtë punonjës policie janë pezulluar nga detyra në Korçë. Ata dyshohet se kanë shpërdoruar detyrën.
Sipas njoftimit të policisë, ata kanë vendosur materiale fiktive tek vendimet e Komisionit të Shqyrtimit të Kundravajtjeve Administrative në Korçë.
Në këtë mënyrë, ata kanë marrë vendime që nuk kanë qenë objekt i konstatimit të shkeljes nga punonjësit e policisë në terren.
Kjo është bërë me qëllim zhbllokimin e mjeteve dhe lejeve te drejtimit, kundrejt shumave që përfitohen në mënyrë të padrejtë.
