Ka nisur në gjykatën e Dibrës seanca e radhës për shqyrtimin e dosjes “184”, një prej çështjeve më të nxehta të shitblerjes së votave në zgjedhje.
Në bankën e të akuzuarve janë katër persona, ish-zyrtarë e funksionarë policie, të cilët dyshohet se kanë ndikuar tek votuesit për tjetërsimin e votës në zgjedhjet e pjesshme lokale të vitit 2016.
Në seancën e kësaj të premteje, trupi gjykues pritet të marrë vendim nëse do të vazhdojë gjykimin apo do vendosë të pranojë kërkesën e partisë demokratike për të transferuar çështjen në Tiranë.
Sipas padisë së bërë nga partia demokratike, prokuroria nuk ka kryer hetim të plotë pasi janë pushuar akuzat për disa persona, mes të cilëve dhe ndaj kryebashkiakut aktual i Dibrës.
