Një ngjarje e rëndë ka ndodhur në Itali, ku tre të rinj kanë mbetur të vrarë me armë zjarri.
Sipas mediave fqinje, mbrëmjen e së shtunës, përballë një picerie në qendër të qytetit Monreale (Siçili) një grup të rinjsh nga Palermo u konfliktuan me një grup nga Monreale.
Sherri ka nisur pas një komenti nga një i ri nga Monreale për mënyrën se si të rinjtë nga Palermo ngisnin skuterat e tyre.
Kaq do të kishte mjaftuar për të kaluar nga fjalët në dhunë fizike. Menjëherë pas kësaj, raportohet se grupi nga Palermo ka qëlluar me armë mbi 20 herë.
Viktima kanë mbetur Salvatore Turdo, 23 vjeç, Massimo Pirozzo dhe Andrea Miceli, të dy 26 vjeç. Dy persona, 33 vjeç dhe 16 vjeç kanë mbetur të plagosur dhe janë jashtë rrezikut për jetën.
Policia ka arrestuar një 19-vjeçar ndërsa ka shpallur në kërkim katër bashkëpunëtorë.
Sipas dëshmitarëve, në rrugën ku ndodhi masakra kishte 50 deri në 100 persona dhe numri i viktimave mund të kishte qenë më i lartë./vizionplus.tv
