Inflacioni u lehtësua ndjeshëm në maj në SHBA, duke arritur pikën më të ulët në dy vjet, lajm i mirë për fuqinë blerëse të amerikanëve dhe për Rezervën Federale, e cila do të mblidhet më vonë sot dhe mund të mos rrisë normat e interesit.
Indeksi i çmimeve të konsumit (IÇK) u rrit me 4% në bazë vjetore, krahasuar me 4.9% në muajin prill, sipas të dhënave të publikuara nga Ministria e Punës. Ky nivel është brenda kufijve të pritur nga analistët dhe më i ulëti që nga marsi 2021. Krahasuar me korrikun 2022, inflacioni është më shumë se dyfishuar, duke arritur më pas në 9.1%, niveli më i lartë në 40 vitet e fundit.
Inflacioni i aseteve vjen kryesisht si pasojë e çmimeve të larta të pronave, ndërkohë që është rritur edhe çmimi i makinave të përdorura. Në të kundërt, kostoja e energjisë ra me 3.6% në një muaj dhe në përgjithësi me 11.7% nga viti në vit.
Në bazë mujore , çmimet e mallrave të konsumit u rritën në muajin maj me 0.1% krahasuar me 0.4% në muajin prill. Ngadalësimi është më i madh se sa pritej, pasi analistët kishin vlerësuar se do të ishte gjithashtu në 0.4% në maj, shkruajnë mediat ndërkombëtare.
Duke përjashtuar çmimet e ushqimeve dhe energjisë, inflacion bazë mbetet i qëndrueshëm në 0.4% nga muaji në muaj, por është ulur në 5.3% nga viti në vit.
Bazuar në këto të dhëna të reja pozitive, analistët vlerësojnë se FED nuk do të rrisë më tej normat e interesit në mbledhjen e saj të përcaktimit të politikave që nis sot. Në 14 muajt e fundit normat e interesit janë rritur afërsisht dhjetëfish.
