Zv.ndihmës Sekretari i Shtetit për Evropën Jugore dhe Qendrore, Gabriel Eskobar, i bëri thirrje Prishtinës dhe Beogradit që të përmbahen dhe ta përqendrojnë energjinë në dialogun e ndërmjetësuar nga Bashkimi Evropian.
Edhe presidenti i Këshillit Evropian, Charles Michel, bëri thirrje për uljen e tensioneve në veriun e Kosovës, duke kërkuar vazhdimin e bisedimeve të lehtësuara nga Brukseli.
Sulmet në veri u dënuan nga misioni i organizatës për siguri e bashkëpunim në Evropë, që bëri thirrje për ulje tensionesh dhe kthim në tryezën e bisedimeve në interes të të gjitha komuniteteve.