Pothuajse i gjithë prodhimi i shalqirit është hedhur në kanal ne Kafaraj te Fierit, për shkak se nuk gjen treg shitje. Fermerët thonë se gjithçka kanë prodhuar me mund e shpenzime gjatë gjithë këtij vitit u ka ikur dëm. Ata e shohin veten të falimentuar pasi gjatë gjithë kohës janë përballur me çmime të larta të imputeve, pesticideve e punimit të tokës.
Fermer 1: S’ka garanci asgjë këtu. Shteti shikon interesat e veta. Shikon hesapet e tregtarëve të mëdhenj. E merr nga ne 10 lek ai tregtari i fundit e shet 30 lekë. Ne vetëm lekët e punëtorit nuk nxjerrim dot.
Fermer 2: Përveç faktit që këtu janë sera. Dëmi është i pallogaritshëm. Nga 5 mln më shkon në 10 mln. Luleshtrydhja iku dëm. Lakra po ashtu. I kemi bërë.
Në këto kushte shumë fermerë i kanë braktisur serat e tyre.
FERMERI: Të gjitha ato që mbjellim ne nuk shiten dhe të gjitha ato që blejmë ne blihen shtrenjtë. Tani ne si do mbijetojmë. Në rast e fermeri punon një vit dy tre e nuk fiton ai nuk është fermer, por skllav që punon në tokën e tij.
Fermerët janë shprehur se askush nuk ka menduar për ta deri tani, ndërsa edhe vëmendja e qeverisë nuk ka qenë e pranishme.
