Serbia i drejtohet zgjedhjeve presidenciale ketë te diele, por interesi mediatik ne vend dhe jashtë tij është shume i vaket, per shkak se ato mund te konsiderohen te paracaktuara.
Sipas sondazheve, nuk ka asnjë pike dyshimi se Aleksandër Vuçiç, deri tani kryeministër, do te jete fituesi i tyre, madje me shume mundësi qe ne raundin e pare.
Dikur radikali nacionalist i kthyer ne pro-perëndimor, gëzon 53 perqind te mbështetjes, ndërsa ndjekësi i tij me i afërt Luka Maksimovic, sipas mediave, është me shume nje kloun sesa nje kandidat serioz ne ketë gare dhe gëzon vetëm 11 perqind te mbështetjes.
Ne kete mënyre, Vuçiç kryeministër qe nga viti 2014, pritet ta përdore fitoren e tij per te caktuar vete nje pasardhës ne krye te qeverise, duke e transformuar ndërkohe zyrën e presidencës nga nje rol ceremonial ne nje pozicion me te forte, duke dobësuar gjithashtu edhe pozitat e presidentit te deritanishme Nikolic ne bazën e Partisë Progresive Serbe, te bashkëthemeluar prej tyre.
Analistet e cilësojnë Vuçiç nje njeri te paparashikueshëm, pasi ndërkohe qe ben deklarata pro-europiane, takimin e fundit përpara zgjedhjeve e zhvilloi ne Moske me presidentin Putin.
Edhe modeli qe po ndjek nga kryeministër ne president është shume i ngjashëm me ate te mentorit te tij.
