Subscribe

Vetëm pak ditë pasi përfundoi në prangat e SPAK, Gentian Sharrës, një emër i njohiur I botës së krimit, i sekuestrohen pasuritë në Elbasan.

 

Nën sekuestro u vendos një vilë luksoze në lagjen Katund i Ri, një biznes fason, 4 automjete si dhe mbi 30 mijë metra katrorë tokë arë. Vlera totale e të gjitha pasutrive shkonë në rreth 5 milionë euro.

 

Sipas policisë, të gjithë këto prona dyshohet se janë vendosur përmes të ardhurave nga veprimtaritë kriminale e Gentian Sharrës. Operacioni i koduar “Illeagal Assets” u zhvillua pas hetimeve të kryera nga prokuroria e Elbasanit.

 

Një pjesë të pronave 48-vjeçari e kishte kaluar në pronësi të babait të tij, Mustafa Sharra.

 

ARDIAN ÇIPA
DREJTOR I POLICISE ELBASAN

Nga Seksioni për Hetimin e Krimit Ekonomik e Financiar në DVP Elbasan, në zbatim të vendimit të Gjykatës, u sekuestruan:
-1 vilë luksoze në lagjen Katund i Ri, Elbasan, biznes fason dhe tokë arë;
-Truall dhe ndërtesë, me sipërfaqe 120 m2, në lagjen Katund i Ri, Elbasan, në pronesi të Gentian Sharra;
-Tokë arë me sipërfaqe 15680 m2 dhe ndërtesë me sipërfaqe 119.8 m2, në lagjen Katund i Ri, Elbasan, në pronësi të shtetasve Mustafa Sharra dhe Gentian Sharra;
-Tokë arë me sipërfaqe 3533 m2, në lagjen Katund i Ri, Elbasan, në pronësi të Mustafa Sharra dhe Gentian Sharra;

 

Gentain Sharra ka qenë i dënuar më parë për trafikim të lëndëve narkotike. Emri i tij, doli dhe në grabitjen e Rinasit. Sharra mori me qera servisin në Elbasan, ku u modifikua furgoni që përdorën grabitësit.

 

48-vjeçari u arrestua gjatë operacionit policor “Golden Bullet”, pasi doli si i përfshirë në disa grabitje gjatë rrëfimit të bashkëpunëtorëve të drejtësisë Nuredin Dumani dhe Henrik Hoxha.

 

Në dosjen e SPAK, Sharra cilësohet si mik i ngushtë i Talo Çelës dhe se ka marrë pjesë në vjedhjen me dhunë të banesës së Hamit Hxhias në Shijak në vitin 2013 si dhe në një grabitje tjetër në vitin 2011.

Leave a Reply

Your email address will not be published. Required fields are marked *