Ministri i brendshëm Sandër Lleshaj pritet që të jetë një nga emrat që do të preket nga ndryshimet e mundshme në kabinetin qeveritar.
Nga Vlora, vetë ministri e pranoi një gjë të tillë, ndërsa theksoi se askush nuk do të jetë i përhershëm në qeveri.
SANDER LLESHAJ
MINISTER I PUNEVE TE BRENDSHME
Asnjë nuk është i përhershëm në një post. Nuk do jem i përhershëm në qeveri, është e sigurt se s’do të jem më ministër.
Por pavarësisht kësaj, Lleshaj përsëriti se ai do të vazhdojë punën për goditjen ndaj krimit.
“Pasuritë e krimit do të kthehen asete publike . Ndërsa Vlora nuk kryeson më listën e qyteteve kryesore të kultivimit të lëndëve narkotike si rrjedhojë e punës së policisë”
Ndryshimet ne qeveri nuk janë mohuar as nga kreu u grupit parlamentar socialist Taulant Balla.
Një ditë më parë ai tha se I gjithë kabineti si dhe figurat e tjera drejtuese të mazhorancës do t’i nënshtrohen vlerësimit të anëtarësisë dhe qytetarëve, për të parë vijimësinë e tyre në detyra, në funksion të zgjedhjeve parlamentare të 25 prillit. Vizion Plus