Deputetja demokrate Andia Ulliri, e cila ëhstë kandidate në qarkun e Durrësit në këto zgjedhje, e ftuar në Quo Vadis në Vizion Plus të moderuar nga Pranvera Borakaj foli për fushatën dhe zgjedhjet e 11 majit.
E pyetur nga moderatorja Borakaj se sa mandate synon PD në qarkun e Durrësit, Ulliri tha se do të synohen 8 mandatte, duke kërkuar të përmbyset rezultati i katër viteve më parë.
Pjesë nga biseda:
Borakaj: Andia, ju kërkoni një mandat tjetër, si duket këtë vit gara në raport me zgjedhjet e kaluara, zgjedhje në të cilat pati problematika të caktuara?
Ulliri: Këtë vit kemi pritshmëri të larta për rezultatin që mund të marrin në qarkun e Durrësit. Ne kemi patur rastin e shumë deputetëve të PS që nuk janë më në Kuvend dhe janë përballë drejtësisë sot. Në lidhje me kandidaturat e PS është shumë e qartë për qytetarët se cili është interesi i PS dhe çfarë ofron PD. Është qark me elementë të caktuar, por qark i harruar dhe i keqpërdorur nga PS. Ka mungesë vizioni. Në zona si Fushë Kruja dhe Kruja, nuk ka patur investime. Mund të them që në këtë qark ka shumë për të thënë dhe shumë për të bërë.
Borakaj: Sa mandate synoni?
Ulliri: Ne mendojmë që mund të marrim 8 mandate. Objektivi ynë është të përmbysim rezultatin e 2021.
