Lufta kundër terrorizmit ka bërë bashkë si asnjëherë më parë Rusinë, Turqinë dhe Iranin, në një takim trepalësh ku u arritën marrëveshje me qëllim zgjidhjen e krizës së Sirisë të shkatërruar nga lufta. Pas takimit, Putin tha sa pakti përcakton detyrën e secilit anëtar për vendosjen e stabilitetit dhe paqes.
“Diskutuam në detaje aspektet bazë të marrëveshjes për Sirinë dhe ram dakord që të përpiqemi maksimalisht për detyrën kryesore, që është vendosja e paqes dhe stabilitetit në Siri si dhe ruajtja e sovranitetit, unitetit dhe integritetit territorial të saj.”
Ndërsa presidenti Turk, Rexhep Tajip Erdogan tha se takimi që synon t’i japë fund luftës në vendin e shkatërruar.
“Ky takim trilateral është jashtëzakonisht i rëndësishëm në lidhje me përfundimin total të gjakderdhjes në Siri dhe tragjedinë që ka vazhduar për shumë vite. Bota ka dëshmuar rezultatet pozitive të Turqisë, Rusisë dhe Iranit duke krijuar një mjedis të afërt të punës për çështjen siriane. Askush nuk duhet të presë që ne të jemi nën të njëjtin çati me organizatat terroriste që synojnë sigurinë tonë kombëtare. Është thelbësore që të gjitha palët të japin një kontribut për të krijuar një zgjidhje politike të përhershme dhe të dukshme që populli sirian mund ta pranojë.”
Kjo është hera e parë që Rusia, angazhohet me Turqinë, një vend anëtar të NATO-s dhe Iranin, në luftën kundër terrorizmit. Kohët e fundit, edhe Irani ka qenë në përplasje të vazhdueshme me SHBA-të, pasi kjo e fundit e akuzon për destabilizim në Lindjen e Mesme.
