Deputetja e Partisë Demokratike, Jorida Tabaku, mbajti fjalën e saj në protestën e opozitës, ku iu referua 20 shkurtit 1991 dhe rrëzimit të monumentit të ish-diktatorit komunist Enver Hoxha.
Gjatë fjalës para protestuesve, Tabaku e cilësoi rrëzimin e monumentit si fundin e një diktature që, sipas saj, ishte instaluar në çdo qelizë të shoqërisë. Ajo deklaroi se “të gjithë diktatorët bien” dhe se liria triumfon.
Tabaku theksoi se qytetarët, edhe pse mund të ndihen të trembur apo të zhgënjyer, gjejnë forcën për të reaguar dhe për të kërkuar ndryshim.
Jorida Tabaku: Rrëzimi i monumentit të diktatorit ishte fundi i një horrori, fundi i një diktature që ishte instaluar në çdo qelizë të shoqërisë tonë. Të gjithë diktatorët bien, drita e gjen gjithmonë rrugën e saj, liria triumfon gjithmonë edhe në errësirën e diktaturës. Shqipëria është e përjetshme. Njerëzit mund të gënjehen për pak kohë, mund të tremben por në fund gjithmonë e gjejnë kurajon, forcën për të rrëzuar pushtetin e një njeriu. Të atij njeriu që mbi 50 vite ndërtoi një mekanizëm të frikëshm survejimi. Ra atëherë kur mendoi se ishte më i fortë se kurrë. Më 20 shkurt u rërzua monumenti i një njeriu që kishte menduar se do të ishte i përjetshëm. 35 vite më pas jemi në shesh. Sistemi i dikurshëm i dhunës është zëvdendësuar me dhunën e korrupsionit. Korrupsioni është ideologjia e sistemit të sotëm. Për herë të parë në 35 vite Shqipëria fatkeqësiht nuk prodhon më. Ky sistem ka vrarë mundësinë për të prodhuar një të ardhme këtu.
