Para mijëra mbështetesve të opozitës, Lulzim Basha u ndal edhe tek festa e ndërkombëtarëve për dialog pa kushte mes paleve politike.
Ai shprehu mirënjohje për angazhimin e partnereve të huaj por deklaroi se zgjidhja e krizës kalon vetëm nëpërmjet largimit të Ramës, të atij që e quajti shkaktari I pengmarrjes së demokracisë.
Basha shtoi se fundi I Ramës po afron.
Kjo betejë sot bëhet për Shqipërinë, kjo betejë sot bëhet për Evropën. Në këtë orë vendimtare kur qytetarët evropiane u drejtohen kutive të votimit le ti shtrijnë sytë në këtë shesh e të shohin se beteja për vlerat evropiane në Shqipëri po shkon drejt fitores. Në emrin tuaj dhe të një populli të tërë dua të shpreh mirënjohjen time të thellë për miqtë tanë perëndimorë që kanë folur me një zë dhe kanë kërkuar ti jepet fund farsës kriminale të zgjedhjeve kriminale pa opozitën, kanë kërkuar që edhe kreu i bandës në pushtet ti thërrasë mendjes dhe të jetë i gatshëm të zbatojë standardin evropian për përgjegjësitë që ka para kushtetutës e ti hapë rrugë zgjidhjes politike. Populli shqiptar, populli evropian në këtë shesh e kudo është i vendosur për zgjidhjen politike. Ajo kalon vetëm përmes largimit të shkaktarit dhe pengmarrësit ët demokracisë. Ai kurrë më nuk do ta ketë në dorë fatin e zgjedhjeve shqiptare. Ja ku është bashkimi dhe mesazhi ynë: Rama ik. Fundi I tij po afron. Tik-tak, tik-tak.
