Trajneri i Kombëtares shqiptare të futbollit, Edoardo Reja, ka shpallur listën me 28 lojtarë që janë ftuar për tre ndeshjet e vlefshme për eliminatoret e Botërorit Katar “2022”. Risi e listës së teknikut italian janë Mario Mitaj i cili luan për skuadrën greke të AEK dhe vecanërisht Nedir Bajrami. Ky i fundit, shqiptar i Maqedonisë se Veriut po shkelqen me Empolin në Itali.
Kuqezinjtë do të luajnë në transfertë ndaj Andorrës më 25 mars, ndërsa më 28 mars përfaqësuesja kuqezi do të presë Anglinë në Tiranë. Takimi i tretë do të luhet më 31 mars ndaj San Marinos sërish në transfertë.
