Lumi i Lanës po rehabilitohet në pjesën e poshtme të tij, pikërisht në pjesën që përshkon unazën e re.
Ndërhyrjet po bëhen paralelisht me transformimin e bllokut të banimit në njësinë 7.
Kryebashkiaku Erion Veliaj gjatë inspektimit te punimeve u shpreh se investimi do të rrisë vlerën ë pronave në zonë.
ERION VELIAJ
KRYETAR I BASHKISE TIRANE
“Njerëzit nuk jetojnë vetëm në autostrada dhe vetëm buzë Lanës, njerëzit jetojnë në lagjet e tyre. Do të ecim paralelisht në dy fronte. Pra, me projektin e Unazës së Madhe dhe me projektin e rehabilitimit të Lanës, me Bulevardin, shëtitoren me tre korsi në të dy anët e Lanës, siç po bëhet zgjatimi nga Materniteti i Ri deri në Shkozë, ashtu do të vazhdojë nga Pallati me Shigjeta deri në Kashar.
Ndërkohe Veliaj deklaroi se punimet në segmentin e unazës së re në zonën e Astirit nuk mund të ndalen nga 30 zhurmaxhinj.
Njëkohësisht do të vazhdojmë edhe me punimet e Unazës së Madhe te Astiri. Kush ka pronë do të marrë lekët, kush s’ka pronë, por ka nevojë për strehim, do të marrë strehim, por projekti më i rëndësishëm i Tiranës nuk mund të bllokohet nga 30 zhurmaxhinj”.
Veliaj premtoi se me buxhetin e bashkisë për mandatin e dytë do të nisë vrullshëm projekti i i ndërhyrjes në 100 lagje.
