Real Madrid i është bashkuar garës për të nënshkruar Murillo të Nottingham Forest në merkaton e janarit, sipas TBR Football.
Murillo është një nga objektivat kryesorë të Arsenalit dhe Liverpoolit dhe ndërhyrja e spanjollëve nuk do t’i lehtësojë gjërat për klubet angleze.
Ka pasur gjithashtu raporte që thonë se Madridi dërgoi vëzhgues për të parë qendërmbrojtësin që shënoi golin e vetëm për Nottingham Forest në humbjen 1-3 ndaj Newcastle në shtëpi të dielën, 10 nëntor.
Murillo, i cili ka dalë nga radhët e Corinthians, iu bashkua Forestit në merkaton e verës të vitit 2023 dhe gradualisht është bërë një nga lojtarët kryesorë të ekipit.
22-vjeçari është vlerësuar për aftësitë e tij të mbulimit të kundërshtarit, si dhe pozicionimin e tij.
