Vijojnë të jenë të pakta rastet e reja me COVID-19.
Gjatë 24 orëve të fundit, Ministria e Shëndetësisë raportoi se janë kryer 2621 testime që kanë zbuluar vetëm 5 qytetarë pozitivë.
Rastet pozitive të konfirmuara janë identifikuar në Tiranë, Shkodër, Lezhë, Mirditë dhe Tepelenë.
Aktualisht janë 132 raste aktive me Covid19 në vend. Ndërkohë, ministrja e Shëndetësisë, Ogerta Manastirliu u shpreh se 9 pacientë po marrim trajtim në Infektiv, ndërsa theksoi se vijon të ulet dhe numri i rasteve aktive në të gjithë vendin.
Ndërkohë, janë shëruar 7 qytetarë, duke e çuar numrin e të shëruarve në 129,895 që nga fillimi i epidemisë.
