Kryeministri Edi Rama shprehet se fondet që u mblodhën të hënën në Konferencën e Donatorëve në Bruksel nuk është fushata e vetme për planin ekonomik të vitit 2020.
Përmes një postimi në “Facebook”, kreu i qeversië siguron se do ta rikthejë rindërtimin në bazën e një zhvillimi të ri ekonomik për Shqipërinë që të gjithë duam.
.
Ai u shpreh se 1.15 miliardë euro të grumbulluara janë një kurorëzim me një sukses i fushatës dymujore ndërkombëtare për procesin e rindërtimit.
“Ne do ta kthejmë rindërtimin në bazën e një zhvillimi të ri ekonomik dhe social për shqipërinë që duam. Fondet e mbledhura dje, duke kurorëzuar me një sukses fantastik fushatën dymujore ndërkombëtare për Rindërtimin, janë vetëm pjesa kryesore, por jo e vetmja e PLANIT EKONOMIK 2020? – me vizion, strategji, punë e durim ne do të arrimë në majën e synuar për Shqipërinë, kur nisëm 2347 ditë më parë, të përpjetën cfilitëse të qeverisjes nga rrënojat e vitit 2013.”
Kryeministri e quajti përtej të imagjinueshmes grumbullimin e fondeve.