I menjëhershëm qe përgjigjja e kryeministrit Edi Rama për presidentin Ilir Meta.

Në rrjetet sociale, Rama mohoi të ketë patur në dispozicion platformën e presidentit. Megjithatë, kryetari i qeverisë u shpreh i gatshëm për t’u ulur në tryezë.

“Presidenti t’i lerë apelet natën për 20 burra e ditën për 11 pika! Opozita t’i lerë ultimatumet trupore e sharjet fëminore! Të dy bashkë ta lenë teatrin e mbledhjeve të komitetit të shpëtimit, se Shqipëria, parlamenti, qeveria, s’kanë kohë të luajnë “e ka kush e ka” dezhurnin🎭. Jemi në prag të miratimit të Planit të Veprimit për Negociatat në Këshillin Kombëtar të Integrimit, s’ka rast më të mirë që Presidenti, Opozita, Institucionet e Drejtësisë,Partnerët Ndërkombëtarë për Drejtësinë dhe Integrimin, të mblidhen URGJENT në një tryezë me karta të hapura. Presidenti nuk më ka dorëzuar asnjë platformë, por jam gati të ulem në çdo moment me të, me opozitën brenda/jashtëparlamentare e me partnerët e Reformës në Drejtësi, që t’i vëmë pikat mbi “i” të gjitha pikave të të gjitha palëve në shqip/anglisht, se teatri ra, iku e na la🎭”

Meta tha këtë të premte se i ka dorëzuar qysh në datën 8 prill platformën me 12 pika kryeministrit Edi Rama, por edhe ndërkombëtarëve.

Leave a Reply

Your email address will not be published.