Kryeministri Edi Rama bën me dije se pyetësorët e Këshillimit Kombëtar të kthyer me postë nga qytetarët kanë kaluar numrin 1000.
Ndërkohë numri i pyetësorëve të plotësuar online ka kaluar mbi 36.000. Kreu i qeverisë fton qytetarët të japin mendimin e tyre mbi pyetjet në Këshillimin Kombëtar.
“Kalon mbi 1000, numri i pyetësorëve të parë të kthyer me postë nga qytetarët e përfshirë në Këshillimin Kombëtar, ndërkohë që ka kaluar mbi 36.000 numri i pyetësorëve të plotësuar online në linkun https://keshillimikombetar.al/ Le të vazhdojmë të dëgjojmë njëri – tjetrin si shqiptarë, si qytetarë, si njerëz, për shtëpinë tonë Shqipërinë dhe le të marrim vendimet e duhura për të nesërmen, teksa politika zhurmon nga bravat, qysqitë, sharjet e përçarjet për llogari të atyre që nuk kanë më asgjë për t’i dhënë Shqipërisë”, shkruan Rama.
