Kryetarja e Komitetit Teknik të Ekspertëve, Mira Rakacolli deklaroi se vijon të ketë fëmijë të infektuar me COVID-19 që kanë nevojë për trajtim spitalor.
Gjatë konferencës për masat anti-COVID, zëvendës ministrja u shpreh se disa prej tyre kanë shenja më të rënda të sëmundjes. Por shtoi se krahasuar me dy javë më përpara, situata është më e përmirësuar.
“Vazhdon të ketë prekje të moshave pediatrike, por fatmirësisht nuk e kemi më të rënduar. Vazhdojmë të kemi të sëmurë të shtruar, fëmijë që paraqesin forma të rënda të sëmundjes, por ka më pak se dy javë më parë, ka një përmirësim të lehtë.”
