Subscribe

Një vrasje me armë zjarri ndodhi këtë të enjteje në fshatin Goraj në Berat. Vangjel Polovina 44-vjeç, nga Kuçova qëlloi për vdekje me breshëri kallashnikolli qiradhënësin e tij, Ajet Guneli 41-vjeç. autori zbrazi mbi trupin dy karikatorë me plumba duke i shkaktuar vdekjen e menjëhershme.

Ngjarja ndodhi në oborrin e një lokali në afërsi të liqenit të fshatit Goraj ndërsa autori u arrestua nga policia gjatë momentit që po tentonte të largohej me një mjet tip fugon. Në momentin e ekzekutimit Guneli ishte duke pirë kafe me dy persona të tjerë, të cilët fatmirësisht nuk u prekën nga plumbat.

41-vjeçari kishte pak kohë që ishte kthyer nga Anglia, ku jetonte me familjen e tij.

Ai i kishte dhënë me qira një stallë derrash autorit të vrasjes, por prej rreth një viti e gjysmë ky i fundit nuk i kishte paguar asnjë lek. Mos shlyerja e detyrimit kishte sjellë edhe debat mes tyre pak ditë më parë.

Banorët e zonës thonë se viktima nuk ishte person problematik.

 

Banor 1

 

Nuk di gjë se si erdhën ngjarjet. Ishte djalë shumë i mirë. Par dy netësh erdhi hëngri darkë me çunat e mi.

 

 

Banor 2

 

Asnjë gjë nuk dimë se ca ndodhi. Isha larg isha në punë. Menduam se hidhnin fëmijët shashka.

 

 

Ndërkohë autori i krimit tha në polici se shkak për vrasjen u bën ofendimet e vazhdueshme të qiradhënësit ndaj tij.

Leave a Reply

Your email address will not be published. Required fields are marked *