Presidenti rus Vladimir Putin i ka kërkuar falje homologut të Azerbajxhanit për rrëzimin e një aeroplani azerbajxhanas me pasagjerë ku u vranë 38 persona.
Në një deklaratë zyrtare të shtunën, Kremlini tha se sistemet e mbrojtjes ajrore po qëllonin pranë Groznyt në Çeçeni, ditën që ndodhi aksidenti, në kundërsulm të dronëve ukrainas, por nuk tha se goditi avionin me pasagjerë.
Të premten, një zyrtar amerikan dhe një ministër nga Azerbajxhani bënë deklarata të veçanta duke thënë se shkak i rrëzimit u bë një sulm i jashtëm.
Avioni i Azerbajxhani Arilines po fluturonte të mërkurën nga Baku për në Grozny, kur u kthye në drejtim të Kazakistanit dhe u rrëzua ndërsa po tentonte të bënte ulje emergjente./vizionplus.tv
