Këto janë momentet kur 39-vjecari Ziyed Ben Belgacem iu afrua një ushtareje franceze për t’i rrëmbyer armën, ngjarje e ndodhur të shtunën në Aeroportin “Orly” te Parisit. Kamerat e sigurisë e kanë fiksuar atë teksa lëshon në tokë çantën që kishte me vete dhe vrapon drejt ushtares për t’ia marrë.
Për tre minuta ai e mbajti peng ushtaren, por pa mundur dot të qëllojë dhe u ekzekutua nga një tjetër ushtar.
Kjo ngjarje shkaktoi panik mes pasagjerëve dhe aeroporti u mbyll për disa orë, pasi forcat e antiterrorit kryen kontrolle për eksploziv. Sulmi po hetohet si akt terrorist, ndërsa agresori kishte qenë i dënuar për grabitje me armë. I ati i tij i marrë në pyetje deklaroi se i biri nuk ka patur lidhje me grupe terroriste, por ishte përdorues alkooli dhe droge.
