Shoqeri e lartë

Nje produksion turk i vitit 2016, serite e te cilit jane ende ne prodhim. Seriali bazohet ne nje prodhim Koreano Jugor te vitit 2015, dhe ka ne qender te tij dy bote. E para eshte bota ku jeton Kerim. Kerim eshte nje djale punetor, prinderit e te cilit punojne ne shtepine e nje familjeje te pasur. Bota tjeter, eshte ajo ku jeton Xhansu. Xhansu eshte me e vogla e familjes, por gjithnje ka qene e perbuzur nga e ema. Xhansuja pelqen te bej nje jete normale te ndryshme nga ajo qe deshirohet nga e ema.

Nje dite ajo shkon ne nje kafe dhe perballet me nje grua qe lexon te ardhmen. Gruaja i tregon Xhansuse se ajo do te dashurohet me nje te njeri te varfer ne vendin e saj te punes. Xhansu kthehet ne pune tek Olivia supermarket dhe atje takon Kerim. Çdo gje nis pikerisht ketu…

Keremi është një djalë shumë punëtor, i cili vjen nga një familje e varfër: babai punon kopshtar, ndërsa nëna kuzhiniere për një familje të pasur. Keremi është rritur me nipin e familjes së pasur, Mertin. Ai është shoku i tij i ngushtë dhe e ka ndihmuar gjithmonë atë.  Megjithatë, Keremi e di vendin që i takon në shoqëri dhe kërkon të lërë gjithçka pas e të hapë një biznes në Stamboll, që të jetë i pavarur.

Një ditë, gjyshja e Mertit i kërkon atij të drejtojë dyqanin e saj para se të marrë në dorë drejtimin e bizneseve familjare. Merti do që ta bëjë krenare gjyshen dhe i bën një ofertë: nëse ai arrin ta menaxhojë me sukses dyqanin e saj për një muaj, ajo duhet t’i japë para Keremit që të hapë biznesin e tij. Kështu, dy të rinjtë bien dakord që Keremi të prezantohet si Merti e të drejtojë dyqanin, ndërsa Merti të prezantohet si Keremi e të punojë si asistenti i tij.

Xhansuja është vajza e vogël e familjes së pasur. Pavarësisht pasurisë që ka, ajo nuk është e lumtur. Familja e saj nuk e ka dashur asnjëherë siç e meritonte, madje nëna i ka thënë gjithmonë se ajo i sillte ters. Një ditë, ajo takon rastësisht një fallxhore, e cila i thotë se nëse tregohet e vëmendshme, do ta takojë dashurinë e vërtetë. Gjithashtu rastësisht, Xhansuja shkon në dyqanin “Olivia” dhe nis punë atje si shitëse, duke e fshehur identitetin e saj të vërtetë prej pasanikeje. Ajo dëshiron të gjejë një djalë që të mos e dojë për pasurinë e saj.

Dyqani “Olivia” kthehet në një vend ngatërresash: Keremi mendon se Xhansuja është e varfër dhe fillon të dashurohet me të; Xhansuja mendon se Keremi është njeri i mirë, paçka se “është i pasur” dhe edhe ajo nis të bjerë në dashuri me të. Eçeja dashurohet me Keremin me shikim të parë, ndërsa Mertin e sheh vetëm si asistentin e drejtorit të saj. Merti dashurohet me Eçen, edhe pse e di që ajo dashuron Keremin.

Kjo është historia e një vajze, e cila kërkon të gjejë dikë që të mos e dojë për pasurinë e saj, që të mos e shohë vetëm si një shkallë për t’u ngjitur në shoqërinë e lartë. Çfarë do të ndodhë kur të gjithë të mësojnë identitetin e vërtetë të njëri-tjetrit? A do të arrijë Keremi ta realizojë ëndrrën për të hapur një biznes të tijin? A do ta dojë Xhansuja Keremin edhe pasi të mësojë se ai është i varfër? A do të arrijë Merti të gjejë një vajzë, e cila mund ta dashurojë edhe sikur të mos jetë i pasur? A do ta falë Eçeja shoqen e saj për gënjeshtrat që i ka thënë?

 

Kasta e aktoreve:

Hazar Ergüçlü (Hazar Ergyçlyja) (lindur më 1 Janar 1992) është një aktore turko- qipriote. Njihet sidomos për rolin e Simaj Çanashit në serialin “Veriu – Jugu” (2011-2013) dhe atë të Ejlylit në serialin dramatik turk  “Batica” (2013-2015). Ergyçjyja ka luajtur rolin e Ruhsarit në filmin dramatik “Hije dhe Fytyra” (2010) dhe atë të Senës në “E uritur” (2012). Roli i saj më i njohur është ai i Simaj Çanashit në serialin dramatik turk “Veriu – Jugu” (2011–2013). Ajo ka qenë figurante në filmin “Bota ime” (2013). Në 2013-tën ka luajtur rolin e Ejlyl Bulluterit në serialin televiziv  “Batica”. Po kështu, ka luajtur edhe rolin e Kaderit në serialin televiziv turk “Nëna e nëna”. Aktualisht ajo luan rolin e Xhansusë në serialin televiziv “Shoqëria e lartë”.

 

 

 

 

 

Engin Öztürk ( Engin Oztyrku). Lindi dhe u rrit në Eskishehir, Turqi. Ai është një aktor shumë i njohur për punën e tij në industrinë televizive. Njihet sidomos për portretizimin e karakterit të Selim Jasaranit, në serialin turk “Ç’faj ka Fatmagyli?” . Përgjatë viteve 2010 – 2011 ai ka bërë 39 dalje në shfaqje. Ai ka ndjekur Shkollën e Mesme Profesionale të Forcave Ajrore dhe ka shërbyer  për një kohë të shkurtër në Konservatorin Ushtarak Turk. Në 2012-tën, ai është diplomuar në Konservatorin Shtetëror të  Universitetit të Haxhetepesë, ku ka studiuar për aktrim. Gjatë viteve  2013 dhe  2014, ai u bë edhe më i njohur me portretizimin e karakterit të Shehzade Selimit në serialin turk “Shekulli madhështor”.  Gjatë asaj periudhe, ai i shfaq në 36 episode.

 

 

 

 

 


Mehmet Ozan Dolunay (Mehmet Ozan Dollunaji)
, në vitin 2014,  ka marrë pjesë në konkursin “Kush do të bëhet milioner?”, të moderuar nga Selçuk Jontemi, në televizionin ATV, ku fitoi një çmim prej  125.000.000 Lira Turke. Ai u bë i njohur pas pjesëmarrjes së tij në këtë konkurs. Mehmet Ozaj Dollunaji, lindi në vitin 1991, në Antalja dhe jeton në Stamboll. Mehmet Ozan Dollunaji, me origjinë nga Antalja, është diplomuar në degën Mekanikë, në Universitetin Koç.   Studimet për aktrim i ka nisur në vitin 2013, në Studion e Aktrimit Craft. Pas dy vjet studimesh, në vitin 2015 ai filloi të shfaqet në ekranet televizive. Seriali i parë me të cilin ai preku aktrimin ishte “Gënjeshtarë të vegjël e të ëmbël”, në vitin 2015. Në këtë serial, Mehmet Ozan Dollunaji ka luajtur rolin e Barëshit. Kurse në vitin 2016 ai ka luajtur rolin e Ryzgarit, në serialin “Plëngprishësi”, por seriali nuk zgjoi interes dhe nuk u transmetua më, pas pjesës së tij të tretë. Së fundmi, ai po luan në serialin “Shoqëria e lartë” që nisi të xhirohej në vitin 2016 dhe që vazhdon të xhirohet ende. Në këtë serial, Mehmet Ozan Dollunaji luan rolin e Mertit, ku shfaqet para publikut si një djalosh që i përket shoqërisë së lartë.

 

Meriç Arali, lindi më 1 korrik 1990, në Stamboll. Në vitin 2012, ajo u ftua të ndiqte xhirimet e provës së serialit “Sulltani”, ku në rolet protagoniste luanin aktorët  Nurgyl Yeshilçaji dhe Shahin Ërmaku, ku ajo pranoi të ishte e pranishme dhe kështu, nisi jetën e saj kinematografike. Ajo ka studiuar në Studion e Aktrimit “Craft” dhe vazhdon të marrë mësime nga Bahar Kerimoulluja. Gjatë viteve 2013 – 2015 ka luajtur rolin e Hales në serialin “Batica”, me protagonistë Çaëataj Ullusojin, Serenaj Sarëkajanë, Barësh Fallajin, Mine Tugajin dhe Shebnem Donmezin. Në vitin 2014,  ajo ka luajtur rolin e Medihasë, në filmin “Nëse harroj, më fishkëlle”, me regji të Çaan Ërmakut, muzikë të Kenan Doullusë së bashku me një kast të përbërë nga Hymejra, Ëshëll Jyxhesoji, farah Zejnep Abdullahu, Mehmet Gynsyri, Gozde Xhëaxhëja,Kerem Bursini, Gyrkan Ujguni dhe Koksall Engyri. Në vitin 2015, Meriç Aralli ka luajtur në filmin e xhiruar në fillim me titullin “Agjenti sekret” dhe më pas i transmetuar me titullin “Llogari dashurie”, së bashku me aktorët Derja Shensoji, Fërat Alltunmeshe, Burak Tozkoparani, Kutaj Kallaballëku, Jasin Çami, Ozlem Çakari, Benu Geredeja dhe Burhan Oçalli.