Që prej mbrëmjes së djeshme sistemi TIMS në vendin tonë ka rënë pre e sulmit kibernetik.

 

Doganat në vend nuk punojnë dhe kalimi i qytetarëve është bërë në mënyrë manuale përmes regjistrave. Edhe aeroporti i Rinasit ka qenë jashtë funksionit, duke përfshirë edhe portet.

 

Kryeministri Edi Rama reagoi për mosfunksionimin e sistemit TIMS, duke thënë se ky është një tjetër sulm nga Irani, duke shtuar se po punohet për rikthimin në normalitet.

 

“Homeland Justice”, “Drejtësi për Atdheun” pretendojnë se qëndrojnë pas sulmit kibernetik, të cilët ashtu si herën e parë kur u sulmua portali e-Albania nxorën të dhëna zyrtare, sot kanë publikuar video nga doganat shqiptare.

 

Ata pretendojnë se do të publikojnë gjithçka që kanë në dorë.

 

 

 

Leave a Reply

Your email address will not be published.