E pranoj këtë rezultat, Trump do jetë Presidenti ynë. Demokracia jonë, kërkon pjesëmarrjen tonë. Le t’i shërbejmë kauzave tona që ekonomia të shkojë para.
Do të jem gjithmonë mirënjohëse ndaj burrave dhe grave të talentuara, jo vetëm në Bruklin, por në të gjithë vendin. Ju keni vendosur zemrat tuaja në fushatën tonë. Për disa prej jush ishte fushata e parë dhe dua t’ju them se ishit më të mirët.
Dhe ndaj miliona vullnetarëve, të cilët kanë trokitur në dyer, kanë komentuar në Facebook, dua që të gjithë të dilni në pak dhe të kuptohet se zërat tuaj po dëgjohen dhe po ju them se po ecim përpara. Kushdo prej jush që ka kontribuuar, qoftë edhe prej 5 dollarësh, dua t’ju them: Faleminderit!
Unë kam shpenzuar të gjithë jetën time të rritur duke luftuar për atë që unë besoj. Kam pasur suksese dhe sigurisht edhe humbje. Disa herë shumë të dhimbshme. Shumë prej jush jeni në fillimin e karrierave tuaja. Ju do të keni suksese dhe humbje gjithashtu. Kjo humbje rëndon dhe dhemb, por ju lutem mos ndaloni kurrë së besuari se të luftosh për atë që ju besoni ia vlen.
Ia vlen! Me të vërtetë që ia vlen. Ne kemi nevojë që ju të vazhdoni me këto beteja, gjatë gjithë jetës suaj. Dua që të dini se asgjë nuk më ka bërë krenare se sa të jem kampionia juaj. Tani e di që ende nuk e kemi thyer tavanin prej xhami, por në të ardhmen dikush do ta bëjë diçka të tillë. Ndaj të gjithë vajzat e vogla që shikojnë sot: mos dyshoni kurrë që jeni të vlefshme, të rëndësishme dhe keni shansin për të arritur ëndrrat tuaja.
Së fundmi, jam shumë mirënjohëse për vendin tonë dhe gjithçka që më ka dhënë mua. Unë numëroj çdo ditë bekimet e mia çdo ditë që unë jam një amerikane dhe unë ende besoj aq thellë se nëse ne punojmë bashkë me respekt për diferencat tona, dhe duke dashuruar vendin tonë, atëherë ditët tona më të mira janë ende për të mbërritur. Unë besoj se ne jemi më të fuqishëm bashkë dhe do të vijojmë përpara bashkë dhe ju kurrë nuk duhet të jeni pishman për të luftuar për këtë gjë. Miqtë tanë le të kemi besim tek njëri-tjetri sepse do të ketë ende rrugë për të bërë dhe punë për të kryer. Jam shumë e nderuar që jua kam përfaqësuar ju. Zoti Ju bekoftë, zoti bekoftë Shtetet e Bashkuara.
Hillary Klinton
