Këshilltari i kryeministrit të Republikës së Kosovës, Srdjan Jovanoviç, është ndaluar këtë të enjte nga policia serbe në pikë kalimin kufitar tek Dheu i bardhë.
Ai ishte ndaluar nga disa anëtarë të MUP-it serb, derisa ishte nisur për në Vranje. Informacionet bëjnë me dije se anëtarët e MUP-it serb i kishin thënë se urdhri për ta ndaluar u kishte ardhur nga shërbimi i inteligjencës serbe (BIA), dhe më pas sipas njoftimit të partisë së Sllobodan Petroviçit, i cili javë më parë është sulmuar fizikisht nga dy zyrtarë të Listës Serbe.
Kjo nuk është hera e parë që autoritetet serbe ndërmarrin veprime të tilla ndaj anëtarëve të SLS-së.
Këto veprime të autoriteteve serbe ndaj zyrtarëve të SLS-së vijnë pasi partia e Petroviçit po bashkëpunon me institucione te Republikës së Kosovës dhe nuk dëgjon urdhërat e Aleksander Vuçiçit sikurse Lista Serbe.