Përmirësohet situata në Deçan, dhjetëra persona po marrin mjekim në spital

Situata e krijuar nga helmimi  në Deçan po shkon drejt normalizimit.

Drejtori i Qendrës së Mjekësisë Familjare, Selmon Berisha njoftoi se aktualisht në ambientët spitalore janë 74 persona që po marrin mjekim. Ndërkohë, gjatë 24 orëve të fundit i janë drejtuar urgjencës 67 qytetarë.

Berisha theksoi se personat që kanë simptoma më gjatë nuk duhet të shqetësohen.

Dyshimet jane se helmimi ndodhi nga uji i pijshëm, ndërsa nën hetim janë dy serbë, të cilët janë parë vetëm 500 metra larg nga burimi i ujit në Deçan.