Ish-deputeti i Partisë Demokratike, Xhemal Gjunkshi akuzon Olta Xhaçkën se përdor helikopterin e Ministrisë së Mbrojtjes për fushatën e PS-së në Dibër.
Ai shprehet se Xhaçka u zhvat shqiptarëve 10 mijë euro çdo javë që të vijë me helikopter në Peshkopi.
Gjunkshi shton se ky është një shpërdorim skandaloz, që revolton çdo qytetar dhe çdo biznes që vuan mungesën e mbështetjes nga kjo qeveri.
“Ministrja e Mbrojtjes Olta Xhaçka u zhvat shqiptarëve 10 mijë euro çdo javë, që të vijë me helikopter në Peshkopi për fushatë elektorale. Në vend që paratë të shpenzohen për të ndihmuar njerëzit në këtë kohë të vështirë, Olta Xhaçka përdor helikopterin e Ministrisë së Mbrojtjes për fushatën e PS në Dibër. 10 mijë euro çdo javë, prej gati një viti do të thotë që vetëm Olta Xhaka, për interesa pricatë partiakë, ka shpenzuar gati gjysëm milioni euro nga paratë e qytetarëve. Është një shpërdorim skandaloz, që revolton çdo qytetar, i cili harxhon 100 mijë lekë për tamponin në privat, që blen vetë bombolën e oksigjenit, që rri me frikë në zemër, se nuk ka ku të perplaset. Shpenzimet marramendëse të Olta Xhaçkës, që për punë partie përdor helikopterin si taksi private, revoltojnë çdo biznes që vuan mungesën e mbështetjes nga kjo qeveri. Na kushton më lirë t’i largojmë këta njerëz të pashpirt dhe të pafytyrë, që tallen dhe vjedhin qytetarët.”
