Deputeti i opozitës parlamentare, Ralf Gjoni nuk do të jetë pjesë e garës së 25 prillit. Vendimin e njoftoi vetë Gjoni përmes një postimi në “Facebook”. Sipas tij, rezultati i këtyre zgjedhjeve është paracaktuar dhe nuk ka vend për kandidatët e pavarur dhe të pastër.
“Shqipëria e tyre është e kapur nga paratë e pista të krimit. Në Shqipërinë e tyre ti o shqiptar nuk voton dot i lirë prej presionit. Në Shqipërinë e tyre ti o shqiptar nuk të numërohet vota, thjesht do të shpërndahet. Ti nuk zgjedh dot, thjesht sa hedh votën. Kjo është Shqipëria të nderuar të tre staneve, që përfaqësojnë njerëz si Kalo dhe shumë njerëz të aftë profesionistë. Për ta pastrit dhe të pavarurit nuk ka vend. Për ata që lëpihen për një vend në lista ka vend. E kanë gabim raportet ndërkombëtare që e quajnë Shqipërinë demokraci hibride, jo e kanë gabim, kemi demokraci tribale. Më vjen të plas me veten, kur shoh se sa energji negative gjëndërohet në këtë vend, në vendin tim. Për të shuar kureshtjen e shumë miqve, dashamirësve. Mendoja se vendimi më i vështirë ishte marrja e mandatit në këtë parlament, por qenka më e vështirë të mos vendosësh të mos kandidosh, qenka tmerrësisht e vështirë. Qytetarët shqiptar duhet të votojnë dhe atë që quhet votë e bardhë, në mungesë të kësaj, shkoni votoni kryq që këta ta kuptojnë se sa shumë shqiptarë janë të mërzitur me këtë klasë politike. Drejtësia do të vijë në këtë vend, me ndihmën e Amerikës dhe ata që e duan Shqipërinë, jam skeptik por besoj se do të ndodhë.”
Ralf Gjoni zuri një karrige në Kuvend pasi PD-LSI dogjën mandatet e deputetit. Ai erdhi nga lista e LSI.
