Me dhjetëra qytetare mes tyre edhe kryetari i Partisë Demokratike Lulzim Basha përfunduan në spital pas mitingut qe shënoi hapjen së fushatës elektorale pasditen e së shtunës ne Tirane. Reparti i okulistikës në QSUT njoftoi se të gjithë kanë qenë me simptoma të ngjashme kryesisht djegie në sy, skuqje lëkure dhe probleme ne rrugët e frymëmarrjes.
Autoritetet spitalore thanë se pasi u mjekuan shumica prej tyre u larguan pa probleme ndërsa vetëm shtate te lënduar po mbahen nën mbikëqyrje.
Nga ana tjeter Ministria e Shendetesise konfirmoi se numri total i personave qe kane pasur shenja intoksikimi ka shkuar ne 140. Ne njoftimin e këtij dikasteri theksohet se edhe ne spitalet rajonale te Durrësit dhe Elbasanit jane shfaqur disa raste me te njëjtat simptoma.
Fill pas ngjarjes sheshi përpara kryeministrisë u rrethua me shirita. Për këtë u ngrit grupi hetimor në përbërje të të cilit jane ekspertet e forcave të armatosur por edhe ata te gardës.
Pas marrjes së dëshmive edhe në spitalin francez hetuesit dorëzuan të gjitha ekzaminimet në institutin e mjekësisë ligjore për të përcaktuar shkakun e simptomave.
Kryetari i Partisë Demokratike Lulzim Basha anuloi takimet elektorale gjate paradites në Lushnje dhe Divjakë. Ai u paraqit ne orët e vona te shtunës në spital dhe u largua prej andej rreth orës 4 të mëngjesit.
