Partia Demokratike denoncoi rritje të çmimit të librave për nxënësit e klasave të teta dhe të nënta. Eksperti i PD për arsimin, Ndriçim Mehmeti publikoi disa mesazhe në “Facebook”, që sipas tij provojnë rritjen e çmimit.
“Ndërkohë që kryeministri në ikje Rama dhe qeveria propaganduan tekstet falas për nxënësit nga klasa 1-7, nuk harruan të rrisin çmimet për tesktet shkollore të klasës 8 dhe 9, janë edhe më të shtrenjtat në gjithë arsimin e detyruar. Drejtuesit dhe mësuesit e shkollës detyrojnë prindërit të paguajnë 6% më shumë se një vit më parë dhe kjo me urdhër nga lart dhe me një arrogancë të dukshme edhe në mënyrën e komunikimit. Kjo është dhurata që kryeministri Rama u bën 80 mijë nxënësve dhe prindërve të tyre në prag të fillimit të vitit të ri shkollor.”
Demokratët kanë hedhur akuza ndaj qeverisë edhe për tekstet falas për nxënësit, për të cilat thonë se në fakt jepen tekste të përdorura.
