Kryeministri Edi Rama ndodhej këtë të martë në Fier për të festuar 35-vjetorin e themelimit të PS.
Ai u ndal tek protestat për Zvërnecin, teksa nënvizoi se patriotizmi nuk lidhet me sharjet ndaj kryeministrit.
Kryeministru gjithashtu kujtoi protestat që bënin socialistët kur ishin në opozitë, ku u shpreh se shumë prej njerëzve qeveria i kërcënonte me vendin e punës, në mënyrë që të mos i bashkoheshin protestës.
“Në Serbi vajta dhe ua thashë atyre në sy që Kosova është republikë e pavarur dhe një histori që nuk kthehet më mbrapa. Është kollaj të bësh heroin kur del në bulevardin ku u vranë 4 veta me pushkë. Dhe kur ne socialistët organizoheshim për protesta, shumë njerëz nuk vinin dot në protestë, se i merrnin prej flokësh dhe i hiqnin nga puna të nesërmen. Për ambientalistë dhe qorrallapistë e lapajlapistë nuk pyesnin fare ata. Sot është kollaj, sepse Shqipërinë e ndryshoi PS edhe në këtë aspekt. Kështu që patriotizmi nuk është tek sharjet ndaj Edi Ramës. Mua më bëhet vetëm shëndet dhe energji”, tha Rama.
/vizionplus.tv
