Zëvendës ndihmës sekretari amerikan i shtetit për çështjet europiane, Methju Palmer, ka vizituar Kosovën. Ai është takuar me kryeministrin Ramush Haradinaj dhe ka biseduar për krijimin e ushtrisë se Kosovës dhe vijimi e dialogut me Serbinë.
Kryeministri Haradinaj theksoi se Kosova është e vendosur në ruajtjen e stabilitetit e respektimin e kushtetutës. Edhe pse nuk pati asnjë deklarate per mediat, Palmer ka apeluar qe Kosova e Serbia duhet të arrijnë një marrëveshje. Palmer u takua edhe me presidentin Hashim Thaçi. Zëvendës ndihmës sekretari amerikan i shtetit mbërriti në Prishtine pas vizitës në Maqedoni, ku siguroi mbështetjen e Uashingtonit për proceset integruese ne BE dhe NATO.
