Vijon kontrolli masiv i territorit për parandalimin e kultivimit të bimëve narkotike, ku së fundmi në Korçë janë arrestuar 4 persona, ndersa një tjetër është shpallur në kërkim.
Arrestimet vijnë gjatë operacionit antikanabis i koduar “Polena”.
Operacioni u krye nga Komisariati i Policisë Korçë, në bashkëpunim me strukturat e Hetimit të Krimit në DVP Korçë, nën drejtimin e Prokurorisë.
Midis të arrestuarve edhe kryeplaku i fshatit Voskop për “Shpërdorim detyre”.
Gjithashtu janë sekuestruar fidanë kanabisi dhe municion luftarak.
Në pranga kanë rënë M. Sh., 22 vjeç; E. Sh., 20 vjeç; I. Z., 20 vjeç, si edhe u shpall në kërkim shtetasi D. Z., 18 vjeç, banues në Voskopojë.