Konfirmohet në detyrë Irena Gjoka, aktualisht me detyrë nenkryetare e Gjykatës së Posaçme të Shkallës së Parë për Korrupsionin dhe Krimin e Organizuar.
Vendimi u mor nga Kolegji i Posaçëm i Apelimit (KPA) I cili ka lënë në fuqi vendimin e Komisionit të Pavarur të Kualifikimit (KPK).
KPK fillimisht konfirmoi në detyrë gjyqtaren e posaçme, mirëpo ky vendim u apelua nga Komisioneri Publik, Dariel Sina dhe pretendimeve nga ONM.
KPA në vendimin e shpallur këtë të martë, hodhi poshtë pretendimet, duke e konfirmuar në detyrë Gjokën, e cila prej afro një viti mban edhe postin e nënkryetares së GJKKO.
Irena Gjoka e ka nisur karrierën në sistemin e drejtësisë në vitin 1993.
Për disa vite ka punuar si gjyqtare në Fier ndërsa më pas në Gjykatën e Krimeve të Rënda në Tiranë. Prej fundit të vitit 2019, punon pranë Gjykatës së Posaçme kundër Korrupsionit dhe Krimit të Organizuar.