Organizata e Kombeve të Bashkuara deklaron se dokumentet e publikuara së fundmi për Jeffrey Epstein tregojnë shenja të një veprimtarie kriminale të organizuar në shkallë globale.
Sipas ekspertëve të OKB, disa nga veprimet e përshkruara mund të përmbushin kriteret ligjore për krime kundër njerëzimit.
“Shkalla, natyra, karakteri sistematik dhe shtrirja transnacionale e këtyre mizorive kundër grave dhe vajzave është aq e rëndë, sa një numër i tyre mund të përmbushë në mënyrë të arsyeshme pragun ligjor të krimeve kundër njerëzimit”, u shprehën ekspertet.
Ata kanë ngritur gjithashtu shqetësime për mënyrën se si janë publikuar dokumentet, duke thënë se në disa raste janë zbuluar të dhëna të ndjeshme të viktimave. Deri tani, në dosje përmenden mbi 1,200 persona të prekur, çka ka shkaktuar shqetësim dhe dhimbje të reja për shumë prej tyre./vizionplus.tv
