Kryeministri i Katarit ka zbehur shpresat për një armëpushim të mundshëm në konfliktin Hamas-Izrael që në dy muaj ka shkaktuar rreth 20 mijë viktima nga të dyja palët.

Nga forumi që po mbahet në Doha, Mohamed Al Thani tha se arritja e një marrëveshje po vështirësohet më shumë për shkak të bombardimeve izraelite pa ndërprerje.

Lexo edhe :

Related Posts

“Përpjekjet tona si shtet i Katarit së bashku me partnerët tanë po vazhdojnë për të siguruar një armëpushim të ri edhe për të liruar më shumë pengje. Ne nuk do të dorëzohemi por vazhdimi i bombardimeve po na e mbyll këtë dritare”, tha kryeministri i Katarit.

Sekretari i përgjithshëm i OKB, Antonio Guterres në fjalën e tij theksoi situatën e rënduar humanitare në rripin e Gazës, ndërsa shtoi se edhe ai do të vijojë përpjekjet e tij.

“Fatkeqësisht, Këshilli i Sigurimit dështoi ta bëjë këtë, por kjo nuk e bën më pak të nevojshme, kështu që unë premtoj se nuk do të heq dorë”, tha Guterres.

Por kryeministri Izraelit, Benjamin Netanyahu, hodhi poshtë një armëpushim të mundshëm, teksa u tha aleatëve perëndimorë se një gjë e tillë do të ndalonte shfarosjen e Hamasit.

Izraeli i ka intensifikuar edhe më shumë sulmet në jug të rripit të Gazës pas riafirmimit të mbështetjes nga SHBA me veton në Këshillin e Sigurimit dhe municionet shtesë.

Kjo e fundit është vënë në qendër të kritikave dhe akuzave, kryesisht nga vendet arabe.

Më herët edhe president i Turqisë, Rexhep Tayyp Erdogan, lëshoi akuza të forta për barbarizëm dhe nxitje të islamofobisë me qëndrimet ndaj konfliktit./vizionplus.tv

Leave a Reply

Your email address will not be published. Required fields are marked *